ინვიქტა ორი მოსწავლის მიერ დაარსებული ორგანიზაციაა, რომელიც წარმოადგენს სივრცეს გოგონებისთვის თავისუფლად ისაუბრონ და წერონ გენდერული სტერეოტიპებისა და დისკრიმინაციის შესახებ. ჩვენი ხედვაა შევქმნათ საზოგადოება, სადაც ახალგაზრდებს, მიუხედავად გენდერისა, ექნებათ თანაბარი შესაძლებლობები და მხარდაჭერა საზოგადოებისგან, რათა შეძლონ საკუთარი თავის რეალიზება და დამკვიდრება. ჩვენი ორგანიზაციის მიზანია გავაძლიეროთ გოგონები და შთავაგონოთ ისინი არ შეუშინდნენ დღევანდელ საზოგადოებაში არსებულ სტერეოტიპებს და გამოიყენონ საკუთარი შესაძლებლობების მაქსიმუმი. 

ინვიქტა ამ მიზნის მისაღწევად ორი განხრით მუშაობს. ჩვენ ვაწყობთ შეხვედრებს გოგონებისთვის, სადაც ღია დისკუსიებისა და საგანმანათლებლო აქტივობების საშუალებით ვცდილობთ დავეხმაროთ მათ გადალახონ გენდერული სტერეოტიპებით გამოწვეული დაბრკოლებები. მეორე მხრივ კი, ჩვენ ვაქვეყნებთ სტატიებს ფემინიზმის, გენდერული დისკრიმინაციისა და წარმატებული ქალების შესახებ, რითიც ვებრძვით გენდერულ სტერეოტიპებს და ვცდილობთ
ავამაღლოთ საზოგადოების ცნობიერება.